હું કવિતા નથી લખતો...

હું કવિતા નથી લખતો
હું તો લખું છું.. માત્ર તને..

તું એ શબ્દો છે,
જેને મેં નામ બનાવીને મારા હોઠો પર રમાડ્યા છે..

તું એ ચંદ્ર છે,
જેના માટે મેં કેટલાય સુરજ ડૂબાડ્યા છે..

તું એ આકાશ છે,
જેમાં મેં અનેક ઊના નિસાસા રેડ્યા છે..

તું એ ધરતી છે,
જ્યાં મેં રઝળતા ઝાંઝવા વાવ્યા છે..

તું ધરતી અને આકાશની વચ્ચેની એ જગ્યા છે,
જ્યાં આપના મિલનની આશના પારણાં બંધાવ્યા છે..

એ શબ્દો,
એ ચંદ્ર,
એ આકાશ,
એ ધરતી,
એ ક્ષિતિજને હું લખું છું..

હું કવિતા નથી લખતો
હું તો તને લખું છું.. માત્ર તને..

માત્ર તને...